Vai para dous anos no Saviñao derrubouse a fachada dun edificio do século XII
O Sorriso de Daniel mándanos esta información:
Na noite do 28 ao 29 de decembro de 2010 un ruído seco escoitouse ao carón da igrexa de Diomondi. Eran os ecos do derrubamento da fachada do Pazo bispal de Diomondi.
Dous anos despois estamos dispostos a que non caia no esquecemento o abandono que o noso patrimonio sofre e citámonos alí para lembralo. Vaite ao noso blog para saber qué che propoñemos
http://www.osorrisodedaniel.blogspot.com.es/2012/12/musica-para-sandar-diomondi.html
Gustaríanos moito que nos acompañases.
Bo Nadal!
--
O Sorriso de Daniel
Patrimonio Románico
Música e contos arredor da lareira, na Casa Grande de Rosende
ACTIVIDADES DE LUGOPATRIMONIO PARA O 2013
No arquivo adxunto recollemos as actividades que se aprobaron na asamblea anual do día 17 de decembro para o ano 2013, detallando tan só as que se van realizar proximamente.
Aviso para a viaxe a Túnez (22 de marzo a 1 ou 2 de abril 2013): as interesadas-os, pódense anotar xa no tfne 676 800 227, até o día 26 de xaneiro. Prezo aproximado inicial de 1.200/1.300 euros con todo incluído. Viaxe para gozar de tres aspectos a resaltar: romanización do país, deserto e oasis de montaña, celeiros e vivendas trogloditas... Confirmaranse os detalles desta viaxe en canto cheguemos ao número mínimo de 20 persoas.
Dípticos dos ciclos COÑECER A NOSA MÚSICA e COÑECER OS PETROGLIFOS
Parabéns a O Sorriso de Daniel polo Premio da Crítica 2012 á Mellor Iniciativa Cultural
Anosa alegría e satisfacción por teren levado este recoñecemento plenamente merecido.
Que o noso traballo a favor do patrimonio material e inmaterial siga adiante a pesar das dificultades.
Unha aperta moi forte en nome de LugoPatrimonio.
Lois Diéguez, presidente de LugoPatrimonio
4ª E ÚLTIMA PARTE DAS FOTOS DE MARROCOS (MARRAKECH, VAL DO URIKA, ESSAUIRA, MARRAKECH).
NOVA REUNIÓN DE DISTINTAS ENTIDADES PARA SALVAR A IGREXA DE VILASOUTO
Reunidas as seguintes entidades cos seus e as súas respectivas representantes: Deputación de Lugo-Area de Cultura, Concello do Incio, Bispado de Lugo, Veciños e veciñas de Vilasouto-O Incio, e A.C. LugoPatrimonio, para continuar o estudo e alternativas sobre o estado da Igrexa de Vilasouto, acordaron os puntos abaixo detallados :
- O Bispado e Deputación de Lugo, xunto con concello do Incio comezarán inmediatamente co estudo das accións legais encamiñadas á execución da obra inical necesaria para atallar o derrubo da Igrexa de Vilasouto.
- Ditas institución e mais os veciños e veciñas de Vilasouto aportan xa unha contía económica na perspectiva de completar a cantidade final necesaria para os arranxos máis necesarios e urxentes da obra.
- Actuará como promotor da obra o Bispado de Lugo por ser o propietario da Igrexa, iniciando así a redacción do Convenio coa Institución ou institucións que colaboran neste Proxecto.
- Unha vez que o dito anteriormente estea completamente definido convocarase outra reunión na que se considera importante a asistencia do Departamento correspondente da Xunta de Galicia, para que concrete o seu interese e apoio se así o considera.
Lugo, a 28 de setembro do 2012.